Azken urteotako joerari jarraipena emanez, Errigorako udalerriek bertako produktuen saskiak prestatuko dituzte, gero lortutako dirusarien zati bat euskararen sustapenean erabiltzeko. Iazko udazkeneko kanpaina Zazpiak bat, Sortzen, AEK, Ikastolen Elkartea eta Errigoraren elkarlanaren  emaitza izan zen. Kanpaina erraldoi hau ia 200 herritan burutu zen, saskiak jasotzeko 700 bat  gune eskainiz.

Emaitzak izugarriak izan ziren: 12.000 saski baino gehiago banatu eta 160.000€ bideratu ziren Nafarroa hegoaldeko euskalgintzara. Zorionak!

Iazkoan, gainera, saskiak osatzeko auzolan eguna Ablitasen egin zen, asteburu beteko egitaraua  onduz. Euskal Herri osoko euskaltzaleek egin zuten topo bertan, eta hitzez azaltzen zaila den atmosfera sortu zuten. Zinez hunkigarri eta ilusio sortzailea.  Ezbairik gabe, errepikatzeko modukoa!

Hortaz gabonetarako saskiak eskuratzeko eta auzolana burutzeko epeak hurrengoak izango dira:

- Azaroaren 8a eskaerak jasotzeko azken eguna.

- Azaroaren 16 eta 29a bitartean saskien banaketa.

- Azaroaren 20-22ko asteburuan auzola-na Ablitasen.

- Azaroaren 30a eta abenduaren 6a bitartean ordainketak.