Laster zabalduko da ospitale berri hau eta horren inguruan iritzi artikulu hau idatzi dute Edurne Agirre osakidetzako LABeko arduraduna eta Imanol Arruabarrena Osakidetzako LABeko euskara arduraduna:

"Osakidetzak jakitera eman duenez 2016an irekiko ditu ateak Urdulizko Ospitalak. Sindikatu, alderdi politiko eta eragile sozial ugarik gure kezka azaldu dugu Ospital honetan zenbait zerbitzu eremu publikotik at geratzearen arriskuaren aurrean. Baina bada beste gai bat ere LAB sindikatuak agerian utzi nahi duena: Euskara Urdulizko Ospitalean.

Gure kezka azaltzeko, alderaketa bat. Pentsatzekoa da ospitalaren arkitektura eta diseinuari dagokionez, eman beharreko zerbitzua kontuan harturik egin dela eraikinaren diseinua. Alegia, ez dela egin beste eraikin batetako plano zaharrak baliatuz, egungo beharrak kontuan hartu gabe, eta gerora egokitzapen neketsu eta luzeak egitearen menpe. Begibistakoa da hori zentzugabea litzatekeela.

...

http://www.lab.eus/eu/arloak/euskara/411-euskararen-normalizazioa/4833-euskara-urdulizko-ospital-berrian-zaharra-berri"