Apirilaren 22an eta 23an egingo den biltzarrean, menpekotasunen alorrean arituko diren hainbat hitzaldi esanguratsu izango ditugu entzungai. Lehenengo hitzaldia Koldo Calladorena izango da eta bertan Droga berriei buruzko azalpenak emango ditu.

Berak, hitzaldiari egindako sarreran ondo justifikatzen duen moduan: "Gaur egungo gizartean ia pertsona guztiek kontsumitzen dute drogaren bat, nahiz eta noizbehinka baino ez izan. Hala ere, menpekotasunak, denboran zehar, aldakorrak dira. Substantzia eta kontsumo-eredu berriak sortzen dira eta kontsumitzeko testuinguruak aldatzen dira..."

Testuinguru horretan kokatuta, ezinbestekoa da droga berrien adibideak ematea eta hortik abiatutako hausnarketa garatzea. Beraz, ez galdu aukera gai honi buruz gehiago jakiteko.