Joan den ostiralean Osasungoa Euskalduntzeko Erakundeak antolatutako Biltzarrean hiru mahainguruetako batean, Javier Yanguas psikologo doktorea izan genuen hizlari. Bertan zahartzaroak gure gizartera dakartzan erronka berriei buruz mintzatu zen eta Angel Bidaurrazagak (EHUko Medikuntza Fakultateko irakaslea) horren berri eman du, gaur Berria egunkarian argirartu den den iritzi artikulu batean.

Hona hemen bertako pasarte bat:

"Hitz gutxitan esanda, babyboomeko belaunaldia zahartzen (65 urte baino gehiago) garenerako, 85 baino gehiago duten adinduak gazteak baino gehiago izango dira gure Euskal Herri honetan, bai kopurutan, bai portzentajean.Aldaketa horiek daramagun gizarte eredua guztiz aldatuko du, hots, zaintzaileen gizarte baterantz goaz non zaharren zainketa beste «zaharren» esku geratuko den, gazteak produkziorako beharko ditugulako, eta familia zabalak ia desagertuta egongo direnak, hau da, orain gertatzen ari den zainketa ez-formala edo senideengan oinarrituta dagoena ia bukatua izango da..."