Arabako osasun-zentroetan euskararen erabilera bultzatzeko asmoarekin "Egun on, Araba" lehiaketa jarri zen martxan. OEEko kidea ere den Josune Tutor izan da proiektuaren sortzailea  eta bere esanetan, osasun-zentroetan zegoen arazo bati erantzuteko sortu zen leihaketa. Izan ere,  osasun-zentroetara deitzen zutenean, gehienetan erderaz erantzuten zietela jabetu ziren. Hori dela eta, Youtubeko bideo baten eraginari esker, Kanadako herrixka batean hartutako erabakia hartu eta txapelketa bat sortzea proposatu zuen.

Helburua ez da izan profesionalak epaitzea, zerbitzua sendotzea baizik. Eta esan daiteke euskarazko arretaren alorrean azken bi urteetan gorantz egin duela, 2015. urtean %60ra helduz. Azpimarratu behar da 250 dei egin ostean Araia eta Zuiako osasun-zentroak izan direla lurraldeko euskaldunenak eta horrenbestez txapelketaren garaileak. Baina hala ere, nahiz eta herri horiek irabazleak izan, irabazle nagusiak arabar guztiak izan direla esan daiteke.