II. Anjel Lertxundi eta Felix Zubia: Oinazeaz: esan ezin denik gabe

Anjel Lertxundi idazlea gaixotasunez usu aritu izan da bere obretan; 'Zu' liburuan bereziki landu du gaia: emazteari minbizia diagnostikatu osteko prozesuaren berri eman du.

Felix Zubiak, mediku lanean, eri larriak artatzen ditu sarri. Adorea dute biek hitza argi eta garbi ebakitzeko: 'heriotza'.

Zuriz jantzita, Felix Zubia. Agur beroa egin dio Donostia unibertsitate ospitaleko harreran Anjel Lertxundi idazleari. Ezagunak dira lehendik biak, eta interes handiz hartu dute eritasunez, heriotzaz eta pazienteen autonomiaz elkarrekin mintzatzeko proposamena. Zaintza intentsiboetako unitateko bilera gela batean egin dute solasaldia, airean mediku eta erizainentzako oharrak megafono bidezko sistema baten bidez entzuten diren bitartean. Aurretik, erietxeko hainbat tokitan argazkiak egin dizkie argazkilariak: minez eta esperantzaz beteta egon ohi diren korridoreetan, ohe aldamenetan.at.

http://www.berria.eus/paperekoa/1943/002/001/2016-08-28/oinazeaz_esan_ezin_denik_gabe.htm

II Antton Elosegi: «Buru argia izan dugu gai horien inguruan: biok»

Burua nahasten hasi, eta erabateko mendekotasuna eragiten dute, hainbatetan, zenbait gaitzek; halakoetan, zailtasunak izaten dira eritasunari loturiko erabakiak planifikatzeko. Alzheimerrak jotako familiek ongi dakite hori.

Antton Elosegi. 72 urte, Tolosan jaioa (Gipuzkoa). «Erretiratua naiz, eta, erretiratua izatearekin batera, zaintzailea; justu erretiratu nintzen unean ohartu nintzen nire andrea gaixorik zegoela, zaintzea tokatuko zitzaidala». Andrea esan du. Jende askorentzat izen osoa argigarriagoa da: Arantxa Gurmendi. Iragan hamarkadetan ezagun egin zen aktore lanagatik, bereziki ETBko Goenkale telesailean egindako rolarengatik. Alzheimerrak jota dago. 2009an antzeman zizkion gizonak lehen zantzuak. «65 urte zeuzkan. Ohartu nintzen gauza batzuk gaizki zihoazela, oso nabarmen; nola ez, Internetera jo nuen, eta espantu handiarekin ohartu nintzen beste erremediorik ez zegoela, sintoma horiek horrenak zirela». Gero etorri zen gaia ateratzea, medikutara jotzea, eta, prozesu baten ostean, diagnostikoa: 2011n jarri zioten izena eritasunari. E

http://www.berria.eus/paperekoa/1854/006/001/2016-08-24/buru_argia_izan_dugu_gai_horien_inguruan_biok.htm