Gasteizko Alea aldizkarian jasotako albiste baten bitartez honen berri izan dugu:

Gasteizko jaien atarian, Gasteizko hirian bai jaietan eta bai urte osoan euskaraz bizitzeko nahiari erantzuna emateko ahaleginean, euskalgintzako gizarte erakundeen ekimenez, eta beste hainbat eragile eta erakunderen babesarekin, Gasteiz Euskaraz Bizi dekalogoa aurkeztu zuten. 

Esan zuten moduan Gasteizen gero eta gehiago dira euskaraz euren bizitzako espazio guztietan (familian, seme-alabekin, lagunartean, lanean, sare sozialetan ...) aritu nahi direnak. Ez hori bakarrik, euskaraz eredu izan behar direla aipatu zuren; jendaurreko agerpen publikoetan euskarari lehentasuna emanez, hizkuntza paisaian euskarari dagokion lekua eskainiz, baita etorri berriei zein ikasten ari direnei euskaraz egiteko aukera erraztuz ere.

Hori guztia dela eta, 10 puntuz osatutako dekalogoa lagungarri izango da urte osoan joera hori mantentzeko.