Europan, hizkuntz berdintasuna eta hizkuntza gutxituen garapenerako tresna eraginkor bat izateko asmoarekin, Hizkuntz Eskubideak Bermatzeko Protokoloa martxan jarriko da. Gizarte eragileen proposamenak eta Europa osoko 15 adituk osatutako Batzorde Zientifiko baten aholkuak aintzat hartu dira. Hortik abiatuta hizkuntz gutxituen garapena bermatu nahi da, hainbat ekintza bilduz.

Protokoloaren eratze-prozesuak fase ezberdinak izan ditu,  2016ko lehen sehileko gizarte eragileek eta hizkuntzen alorrean interesa duen orok Protokoloak jaso behar dituen neurri zehatzak proposatu zituzten. Batzorde Zientifikoak neurri horiek antolatu ondoren, Talde Antolatzaileak gizarte-eragileei aurkeztu zizkien berau berretsi dezaten. Eta prozesuaren amaiera moduan, Protokoloa Donostian aurkeztuko da 2016ko abenduaren 17an Kursaal Jauregian.

Protokoloa.png