Osasungoa Euskalduntzeko Erakundeko elkarteburuak, Karlos Ibargurenek, 2016ko Oarsoarrak euskararen saria abenduaren bian jasoko du, iluntzeko 19:00tan Errenteriako Xenpelar etxean egingo den ekitaldian.

Medikuntza arloan zein euskara bultzatzen Ibilbide handiko medikua dugu Karlos Ibarguren; izan ere, Osakidetzan lan egiteaz gain, medikuntza intentsiboan espezialista eta medikuntzan doktorea da. Ez hori bakarrik euskaraz egindako tesi onenaren Koldo Mitxelena saria eskuratu zuen eta Felix Zubiarekin batera Elektrokardiografia klinikoa liburua argitaratu zuen.

Saria emateko ekitaldian herritarrak parte hartzeko gonbidapena egin dute epaimahaia osatzen duten erakundeek: Oarsoaldeko lau udalek, Lau Haizetarak, Prest! euskara taldeak, Oarsoaldeko AEK-k, Oarso Bidasoko Hitzak, Ttur-ttur euskaltzaleon bilguneak eta Errenteriako Udal Euskaltegiak.