Berria egunkarian aipatutako albiste baten bitartez jakin ahal izan dugu, hainbat euskaltzalek Iruñeko Arrotxapea auzoko Osasun Etxean itxialdia egin zutela. Helburua euskarazko zerbitzua exijitzeko zen eta azkenean egoera konpontzeko ahaleginean Osasunbideko buruak auzia Nafarroako Gobernura eramateko konpromisoa hartu du.

Izan ere, aspalditik datorren gorabehera honen inguruan hau ez da izan antolatu den lehen protesta ekintza. Apirilean hasi ziren euren kexak Osasunbideko arduradunei helarazten, mediku euskaldun bat ekar zezaten. Osasun Etxeko zuzendariaren esanetan euskara ez zen betekizun zentroko lanpostuetan eta Nafarroko Gobernura jotzeko aipatu zien. Bide horretatik, ekainean Gobernuarekin eta bertako indar politikoekin kontaktuan jartzen saiatu ziren, eta azkenean egoera konpontzeko zuzendariaren konpromisoa lortu egin dute.