Angel Bidaurrazaga, EHUko irakasle eta OEEko kidea, Osatuberrin artikulu interesgarri bat plazaratu du gaur egun Osasun politiken gainean dauden tirabirei buruz. Bere esanetan, gaur egungo osasun-politika biomedikoaren aurrean, gizarte ekosozialista baten aldeko pentsalari batzuek beste eredu bat proposatzen dute, postmedikuntza deiturikoa. Baina ez hori bakarrik. Horrez gain  neoliberalismotik sortutako osasun politikaren ildo nagusiak zalantzan jartzen dituzte.

Bere esanetan, biomedikuntzak ez bezala, postmedikuntzak eremu politikoan errekurtsoen efizientziaren alde jokatzea bilatzen du, eta osasunerako behar ez diren gastuak gutxitzea du helburu: gardentasuna industria farmazeutikoan, ‘ate birakariekin’ bukatzea osasun karguetan, entsegu klinikoen finantziazioa esku pribatuetan soilik ez egotea eta osasun profesionalen formazioa industri farmazeutikoan oinarrituta ez egotea.