Info7 irratian OEEko Lehendakaria den Karlos Ibargureni egindako elkarrizketa batean, gogorarazi egin du Osakidetzako bigarren Euskara Planak hiru urte egin dituela. Eta baita OEEko kideen artean kezka dagoela bigarren plan horren inguruan; izan ere, aurten ebaluazioa egin beharra dago eta emaitzek lidergotza eza erakutsi dezakete.

Karlosek adierazi duen moduan, OEE prest dago laguntza eskaintzeko Osakidetzari, bere goi mailako karguen eta kargu ertainen lidergotzarekin Euskara Plana berpizteko. Lehenik eta behin, erabiltzaileok Osakidetzari euskarazko arreta eskatu behar diogula uste du Ibargurenek, Osakidetzak horretarako neurriak har ditzan.