OEEren eta UEUren artean egingo den aldizkari zientifikoa aurrera doa apurka-apurka. Abenduan Erredakzio Taldea batzartu zen lehendabiziko aldiz eta aldizkariaren atal nagusiak zehaztu ziren, baita aldizkari berriak eramango duen "Osagaiz" izena ere. Horrez gain, Angel Alayok aldizkariaren logoa prestatu zuen.

Orain urtarrilean, aldizkaria egiteko erabiliko den aplikazioa nola erabiltzen den ikastaroa egin da: OJS-Open Journal System. Aplikazio horren bidez aldizkaria egiteko prozesu guztia kudeatu ahal izango da.

Helburua urtean bi ale egitea izango da eta online formatuan argitaratuko da. Lehenengo alea uda aurretik argitaratzea aurreikusten da

Erredakzio taldea irekita dago eta parte hartu nahi izanez gero, OEEren idazkaritzarekin jarri harremanetan.

Osagaiz goiburuaren diseinua