Datorren astean, ostiral eta larunbatean (martxoaren 31 eta apirilaren 1ean), Osasungoa Euskalduntzeko Erakundeak bere XXVII. Biltzarra ospatuko du Iruñeko NUPeko Osasun Ikasketen Unibertsitate Eskolan. Bertan, aniztasuna osasunaren alorrean onartu eta landu beharra dagoela adieraziko da eta horren aurrean osasun-langileok zer jokabide izan behar dugun aztertu eta gogoeta bideratzeko saiakera egingo da.

Biltzarrean eztabaidarako tokia egongo da eta horretarako hiru mahai-inguru antolatu dira.  Lehenengoak, “Sexu nortasun” ezberdinak landuko ditu. Bigarrenak “Osasuna eta Generoak” eta  azken mahai-inguruak, “Ongizaterako bide desberdinak” izango ditu mintzagai. Aipatu beharra dago. osagarri gisa bi tailer egongo direla, Shiatsua eta Mindfulnessa zer diren ezagutzeko eta lantzeko; eta baita, ahozko komunikazioak eta hainbat poster.

Beraz, gogoratu nahi dizuegu Biltzarrean izena emateko epea oraindik zabalik dagoela eta ez galtzeko euskara eta osasuna uztartzen dituen biltzar interesgarri hau.

Izena emateko argibideak erantsita dagoen triktikoan aukituko dituzue

OEE_27_OsasunBiltzarra_Egitaraua.pdf