OEEren 27. Osasun Biltzarraren barruan, 14. Agote Sariaren aurkezpena egin zen. Sari horren helburua  osasunarekin lotutako ikasgai ezberdinen euskarazko testuen sormena eta argitalpena bultzatzea da.

14. edizioaren irabazlea Maialen Berridi Agirre izan da eta honako gaiari buruzko lana egiteko laguntza ekonomikoa izango du: Famili eta komunitate arretako medikuntza gaitasun profesional orokorrak.

Iruñean egin zen aurkezpenean, sari honen babesle ekonomikoak diren LKS eta  Mondragon Healthen izenean LKSko Joserra Bilbao Gaubeka egon zen, OEEren izenean Karlos Ibarguren eta, noski, sariduna izan den Maialen Berridi.