Berria egunkarian  Felipe Aizpuru Barandiarani, Osakidetzako Arabako Ikerketa Unitateko buruari, egindako elkarrizketan jakin ahal izan dugun moduan, gaur egun nahiko hedatuta dago Osasungintzaren etorkizuna datuen kudeaketarekin estuki lotuta egongo delako ideia. Izan ere, adituen esanetan eremu askotako datuak elkarren artean gurutzatuz, oso informazio baliagarria lortu ahal izango da eta.

Horren ildotik, artikuluan Felipe Aizpuru Barandiaranek azaldu du nola Osakidetzak antzemandako bihotzeko gutxiegitasuna duten 13.000 lagunen kasuak aztertzen ari den 2011.urtetik aurrera. Azterketa horren bitartez, etorkizunean aurreikuspenak egiteko ereduak landu nahi dituzte, medikuek edo erizainek gaixoaren bilakaera zein izango den iragar dezaten. Baina ez hori bakarrik, kasuen arteko alderaketak eginez ondorioak atera nahi dituzte.