Berria egunkarian argitaratutako artikilu baten bitartez, Elebidek aurkeztutako balantzearen berri izan dugu. Bertan jasotako kexa kopurua txikiagoa dela aipatzen da;  hala ere, banakako kexu gehiago jaso dituzte. Aurten ere, kexa jasotzailerik handiena Osakidetza da, guztira 402 kexa jaso dira eta  horietatik 208k osasun zerbitzuarekin daukate zerikusia.

Osakidetzari dagokioni kexa kopurua aztertuz, 83 kanpaina batzuen bitartez heldu dira, 45 eskari egon dira, besteak beste:  harreman hizkuntza euskara izatea, arreta espezializatuan euskarazko zerbitzua izatea, historia klinikoa euskaraz izatea, arreta espezializatuan  euskarazko zerbitzua izatea eta ekografien txostenak euskaraz jasotzea. Eta, horrez gain, gainerakoak egunean-egunean jarritako kexuak izan dira (arreta euskaraz ez ematea, idatzizko jakinarazpenak eradaraz bidali izana, ordezko mediku erdalduna izatea, etab.)