Dagoeneko entzungai dago Karlos Ibarguren, OEEko lehendakariari, Info7 irratian egindako elkarrizketa. Bertan, sare sozialetan hedatutako salaketa bati buruz izan da mintzagai: Donostia ospitalean haurrari osasun arreta euskaraz eman ez izanaz kexatzen zen guraso baten ingurukoa hain zuzen ere.

Berak modu egokian nabarmendu duen moduan, gaixoak Osakidetzari euskaraz arreta jaso nahi duela adierazi nahi badio, ez da  ulergarria arreta hizkuntza horretan ez eskaintzea. Azken batean, osasun arreta nork bere hizkuntzan jasotzea kalitatea delako.

Elkarrizketa osorik entzun nahi izanez gero, jarraitu hurrengo esteka. Eta bide batez gogoratzen dugu, hurrengo saioa urriaren 10ean emitituko dutela berriro ere Info7 irratian.