Zigor Etxaburuak Kontseiluko blogean idatzitako artikulu bat aipatu behar dugu. Bertan, akuriak ez garela defendatzen da. Hori horrela izanik, eta administrazioaren eta erabiltzailearen arteko harremanean, hizkuntza  zubi nagusia izanik, Euskal Autonomi Erkidean, herritarrek administrazioarekin dituzten harremanetan euskara erabiltzeko eskubidea aitortua duten arren, zerbitzu publikoetan ez da guztiz bermatzen aukera hori, modu nabarmenean Osakidetzan.

Harago joanez,  gurean 160.000 herritarrek adierazi dute dagoeneko osasun-asistentzia eta zerbitzuak euskaraz jaso nahi dituztela. Beraz, gogoa eta eskaria dauden bezala, botere publikoek erantzuna eman behar dute eta ez utzi euskaldunon erresilientziaren bizkar Osakidetzak zerbitzuak euskaraz ematea edo ez ematea. Amaiera gisa, azpimarratu behar da Zigorrek esandakoa: ez egin esperimenturik gurekin, pertsonak garelako eta  ez akuriak.