EAEko Auzitegi Nagusiak atzera bota du Gipuzkoako Foru Aldundiak ekainan aurkeztu zuen helegitea, eta bertan behera utzi ditu euskara planeko bost artikulu, 2013tik indarrean zeudenak.

Euskarak ere kristalezko sabaia daukala ematen du; horrelako erabakiekin zaila izango da euskara normalizatzea.

Hauek dira aldaturiko bost artikuluak:

Prentsaurrekoetako hizkuntza

Araudiaren bosgarren artikuluak, Aldundiak prentsaurrekoak edo ekitaldi publikoak euskara hutsean egitea baimentzen zuen, nahiz eta euskara ulertzen ez dutenei, mezua ulertzeko bitartekoak jarriko lizkiekeen.

Kontratazioetarako baldintza

Administrazioak izenpetutako kontratazioetan, enpresaren lan esparrua dena delakoa ere, Aldundiak berak betetzen dituen hizkuntza irizpideak betearaziko lizkieke enpresa horiei 8. artikuluaren arabera.

Diru-laguntzen hizkuntza betebeharrak

9.3 artikuluan, Gipuzkoako Aldunditik diru-laguntzak jasotzen dituen elkarte, erakunde edo pertsonek, euren dokumentu, euskarri, publizitate edo ekitaldi publikoetan euskara erabiltzea eskatzen zuen.

Komunikazio kanpainak

Hamaikagarren artikuluak, administrazio prozeduretatik kanpoko eremuan egiten diren komunikazio kanpainetan, “euskara eta gaztelera orekatuta” erabiltzea jasotzen du, beti ere euskarari konposizioarekin, tipografiarekin eta bestelako elementuekin lehentasuna emanda.

Webgunean euskaratik hasi
Gipuzkoako Aldundiaren webgunerako sarrera euskarazko orrialdetik lehenestea jasotzen zuen 13. artikulu honek. Hau da, Gipuzkoako Aldundiaren webgunera sartu ezkero, aurreneko orria euskaraz agertuko litzateke, nahiz eta ondoren gazteleraz jartzeko aukera izango luken erabiltzaileak

Albiste osoa, hemen eta hemen.