EPEetako azken gai-zerrendan joera homosexualak patologizatuta ageri izan dira duela oso gutxira arte. Hainbatek kexa adierazi zieten bai EAEko Arartekoari, bai Euskal Herriko lesbiana, gay, transexual eta bisexualen Gehitu elkarteari, eta azken horrek ekitea erabaki zuen, arazoa konpontzeko. Hala, kexua egin zuten Jaurlaritzak sustatzen duen Eraberean zerbitzuaren bidez --diskriminazioa salatzeko zerbitzua da---, baita Osakidetzak duen pazienteak artatzeko zerbitzuareb bitartez ere.

Erantzuna berehalakoa izan da. Maria Jesus Mujika Osakidetzako zuzendariak berak barkamena eskatu du, eta hanka sartze bat izan dela adierazi. Lan eskaintzatik ezabatuko du Osakidetzak joera homosexualak patologizatzen dituen atala (43.a). Beste hutsegite bat ere egon dela onartu dute, hain juxtu, 2. puntuan, haur psikiatriaren arlokoan: “Sexu arteko ezberdintasunen eta sexu portaera psikopatilogikoa. Transexualitatea eta trasngenero egoerak”. Argi eta garbi patologizatzen ditu joera horiek, eta Osakidetzak bi puntuak berritzeko konpromisoa hartu du, izan ere, beste arrazoi batzuren artean, OMEk halakoak 1990.eko hamarkadan utzi zituen gaitz zerrendetatik kanpo.

Albiste osoa Berrian eta Argian.