Anton Erkoreka EHUko medikuntzako irakasle eta Euskal Herriko Medikuntzaren Museoko zuzendariak asko idatzi du orain dela ehun urteko gripe pandemiari buruz, Euskal Herrian gertatu zenaz barne.

1918-19 tartean, I. Mundu Gerra ostean, munduko populazioari eragin zion gripe pandemia larri hartaz ari gara. Guztira 40-50 milioi pertsona hil ziren, batik bat gazteak, eta Erkorekak azaltzen duenez, bi bolada egon zen nagusiki. Bigarrena izan zen latzena orokorrean, baita Euskal Herrian ere. Europatik Iparraldera heldu eta azkar-azkar hedatu zen Hegoalderantz, Baiona eta Donostia pasatuta, Gasteizeraino ailegatu arte. Garaiko hedabideetan alarma piztu omen zen.

Harrez geroztik ez da hain gripe-bolada birulentorik egon, baina, adituek diotenez, Erkorekak berak tartean, lehenago edo geroago gertatuko da ziurrenik. Zientifikoki prest gaudela dio, baina garai hartako arazo berbera edukiko genuke: ospitaleak ez leudeke prest, eta kolapsatu egingo lirateke. Gizartea informatzearen garrantziaz ere aritu da.

Albiste osoa (Berria), hemen.