Berriako albiste batean irakurri ahal izan dugun bezala, EAEn bizi-testamentua osasun-zentroetan egin ahal izango da hemendik aurrera. Nahikoa izango da hiru lekuko biltzea sinatzeko momentuan, eta lekukook osasun-langileak berak ere izan daitezke. Prozesua arintzeko helburuarekin hartutako erabakia izan da, baita zerbitzua herritarrei hurreratzeko ere. Izan ere, familia-medikua hurbileko figura izaten da, konfiantzazkoa.

Orain arte Araban soilik egin zitekeen horrelakorik, proiektu pilotu baten baitan, baina, orain, zabaltzea erabaki da.

Bizi-testamentuari esker, herritarrak idatzita utz dezake bere borondatea zein den erabaki medikoei dagokienez: legezko ordezkaria izendatzeko aukera, organo-emaile izatea, etab.