Kalean da jada Osagaiz osasun-zientzien aldizkariaren 2018ko lehen ale arrunta. Biltzarraren ale berezia eta gero, orain ohiko egiturari jarraitu diogu, eta hainbat eduki interesgarri topatu ahal dugu www.osagaiz.eus webgunean.

Esate baterako, depresioaren teoria neuroinflamatorioa; Benlafaxinaren eragina ezegonkortasun sozial kronikoa jasandako sagu emeen sistema serotoninergiko zentralean eta jokabidean; Elgetako farmazian II motako Diabetes Mellitusa (DM2) pairatzeko arriskua antzemateko programa; Jarduera fisikoan oinarritutako programa batean parte hartzen duten gaixoek beren patologiaz, nutrizioaz eta bizi-ohiturez duten ezagutzaren azterketa; Hemolisi masibo barreiatua eta Clostridium Perfringens; Giza histologia orokorra; Traumatologia eta Hiesa hiztegi terminologikoak...

Aurreko aleak ere webgunean bertan daude eskuragarri.

Osagaiz aldizkaria Osasungoa Euskalduntzeko Erakundearen (OEE) eta Udako Euskal Unibertsitatearen (UEU) elkarlanetik sortu zen iaz, osasun-zientziei buruzko artikulu zientifikoak argitaratzeko eta ikerketa taldeen lanak ezagutzera emateko helburuarekin. Osasunarekin erlazionaturiko ikerkuntza mota guztiak hartuko ditu barne eta guztion lanak izango dira ongi etorriak.