Salatutako 12en artean 3 espezialitate errepikatzea erabaki dute. Aditu independente batek egindako azterketaren emaitzak datorren astean aurkeztuko dituzte, hilaren 19an, Osakidetzak, Osasun Sailak eta IVAPek.

Hasierakoez gain, ESK sindikatuak beste hautagai batzuen salaketak jaso eta publiko egin ditu, asko anonimoak badira ere. Berriaren arabera, hainbaten artean beldurra da nagusi. Auzia salatu duen medikuak — Manoel Martinezek— artikulu horretan adierazi du giroa gaiztotu egin dela, eta konpromiso etikoak gidatuta hartu zuela salatzeko erabakia. Orain, guztira, 19 espezialitate dago susmopean, eta badirudi areagotu egingo dela kopurua, ESK-k eta LABek jasotako lekukotza berrien eskaerei bide emango dietelako.

ESK-k dio Osakidetzak aterako duen txostenak ez duela balioko oposizio sistema osoa aldatzeko eta lan-kontratazio eredu berria aldarrikatu dute.