Aspaldi, Osakidetzak Osatuberri ekimena jarri zuen abian. Hasieran, paperezko argitalpena baino ez zenari geroago buletin digitala ere batu zitzaion. Funtsean, osasunari buruzko albisteak dira, euskaraz. Oso eduki interesgarriak jorratu ohi dituzte: elkarrizketak, eguneroko gaiak, ikastaroei buruzko informazioa, denbora-pasak, komiki umoretsuak... Animatu eta bota begiradatxo bat! Biak ala biak kontsultatu eta deskargatu daitezke geure webgunean, albisteak > osatuberri atalean.

"OSATUberri aldizkaria / buletin digitala

OSATUberri euskararen erabileraren normalizazioan laguntzen duen argitalpen bat da. Osakidetzak editatzen du eta bi helburu nagusi ditu: administrazio sanitarioko gaiak euskaraz zabaltzea eta erakundeko enplegatuen hizkuntza-gaitasuna hobetzea.

Aldizkaria etxean jaso nahi baduzu, harpidetza egiteko formularioa bete eta bidali."