Duela pare bat egun Berriako Edu Lartzangurenek elkarrizketa egin zion Joxerra Furundarena OEEkide eta Osagaiz aldizkariko zuzendariari. Izan ere, OEEk eta UEUk sorturiko aldizkariak urtebete egin berri du, eta lehen urrats hauetako nondik-norakoen berri eman zuen Furundarenak. Dakizuenez, aldizkariaren ale guztiak sarean daude eskuragarri, baita liburutegi askotan ere.

Euskarazko 'The Lancet'?

Baina zer asmo du Osagaiz-ek: euskarazko The Lancet bat izatea? Noski, nazioarteko medikuntza aldizkari bat sortzea baino askoz apalagoa da helburua, Furundarenak azaldu duenez: «Osasun munduko profesionalen artean euskaraz ere argitaratzeko eta irakurtzeko ohitura sustraitu nahi dugu».

Ikertzaileek ponentziak eta bestelakoak aurkezten dituzte OEEk antolaturiko batzarrean. «Parte hartzaileek beti esaten ziguten horiek sakonago eta formalago landuz gero argitaratu egingo lituzketela». Furundarenak badaki puntako artikuluak beste agerkari batzuetara joango direla, baina, halere, «badaude beste lan asko sarri argitaratu gabe geratzen direnak». Azken horiek dira Osagaiz aldizkariak begiz jotakoak.

[Jarraitzen du]

Horrelako dibulgaziozko albisteek garrantzi handia dute osasun-gaiak gizarteratzeko eta profesionalok ere zer dagoen jakin dezagun, beraz, eskerrik onenak. Gogoratu artikulurik bidali nahi baduzue hemen topatuko duzuela informazio guztia.