Diario de Navarrak jakinarazi duenez [gaztelaniaz], Nafarroako Ospitale Gunean Diziplina Anitzeko Arreta Unitate berria abiarazi dute minbizi ginekologikoa duten emakumeentzat. Urtean 175 minbizi kasu artatzea dago aurreikusita, eta 5 zerbitzu-guneren lana koordinatuko du. Antolaketa eredu berri hau beste patologia zerbitzu batzuetara ere zabalduko da udazkenean zehar, guztiak akutuak eta konplexuak, besteak beste, kolon eta ondesteko, biriketako edota bularreko minbizi zerbitzura; AEAra (alboko esklerosi amiotrofikora) edota ortogeriatriara.

Helburua prozesuaren urrats guztietako arreta hobetzea da, tumorea egon daitekeela susmatzen den unetik, tratamendu eta osatze prozesu osoan zehar, eta gutxienez 5 urteko jarraipena egin arte. Talde honek prebentzioan jardutea zein arrisku egoeran dauden senideei jarraipena egitea ere aztertzen ari da.

Azken finean, Diziplina Anitzeko Unitateek abantaila ugari dute: profesionalak ez daude inplikatuta soilik erabaki terapeutikoak hartzeko momentuan, baizik eta prozesu osoan zehar; kasu guztiak protokolo eta adostasunaren bitartez eztabaidatzea; emaitzak ebaluatzeko adierazleak izatea; Erizaintzaren parte hartze aktiboa, eta trebakuntza zein ikerketa sustatzea.

[Jarraitzen du…]