Aurtengo Euskararen Eguna berezia izango da, proiektu soziala. Azaroaren 23tik abenduaren 3ra, euskaraz dakigun edota ulertzen dugun guztiok ohitura zaharrak astinduko ditugu, eta euskararen erabilera aktibatuko dugu denon artean!

Atzo jaso genituen lehen datuak: dagoeneko 60.000 lagunek eman dute izena ahobizi edo belarriprest moduan! Datuek tokian tokiko egoera soziolinguistikoa islatzen dute: izen-emateen %45 Gipuzkoan egin da, Bizkaian %31, Nafarroan %12, Araban %9, eta Iparralden %3. Horrez gain, ahobiziak 10etik 8 dira, baina datua espero zuten, belarriprest rola delako azaltzen eta motibatzen zailena. Baina euren rola funtsezkoa da!!! Horregatik, zergatik ez animatu gu geu –edo geure ingurukoak– belarriprest izatera? Izen-emateek zabalik jarraitzen dute euskaraldia.eus atarian.