UEMAko datuek esandakoa langileek ere argi asko ikusten dute. Hilabete hasieran Aitziber Olabarrieta Kareaga Osakidetzako Erizainak iritzi-artikulu bat sinatu zuen Naizen Osakidetzako euskarazko arreta bermatu dadin hainbat proposamen interesgarri eginez. Euskarazko formakuntzaren garrantzi erabakigarria aipatu zuen, baita arduradunen izendapenetan elebidunak lehenestea ere.

"Osakidetzan aritzen garen euskaldunok ikusten dugu batetik, Hizkuntza Eskakizuna izateak ez duela bermatzen euskaraz aritzea eta, bestetik, lantaldean euskaldun-kopurua handia izanik ere, gaztelaniaz hitz egin behar izaten dela, oso edukazio handikoak omen garelako.

Egoera ez da, inondik ere, gure gustukoa, eta gaur egun Ospitaletan euskaraz aritzea arraroa da, eta entzuten den apurra gutxiengo batzuen ahaleginari esker lortzen da".

[Jarraitzen du].