Dakizuenez, 2010ean eta 2014an egin bezala, aurten ere Osasun-Zientzietako Euskal Ikertzaileen topaketa egin da UEUren egoitza akademikoa den Markeskoan, Eibarren, urriaren 25ean. Bertan ikerketa-talde bakoitzak bere ikerketa-lerroak eta lanak aurkeztu ditu, eta osasun-arloko ikertzaile euskaldunek elkar ezagutzeko parada eduki dute.

Bada, galdu bazenuen, ez etsi, bertan esan zirenak biltzeko Osagaiz ale berria argitaratu baita, aurtengo bigarren ale berezia, maiatzeko Osasun Biltzarrekoa eta gero.

Beti bezala, http://www.osagaiz.eus/ webgunean dago dena eskuragarri, bai ale berezi honen aurkibidea informazio guztiarekin, bai aurreko ale guztiak ere. Ale berezi honetako gaiak asko izan dira, hiru bloke handitan sailkatu direnak: biomedikuntza, neurozientziak eta osasuna. Guztira, 8 poster eta 20 ahozko komunikazio baino gehiago.

Eman begiratu bat!!!