Zabalik da OEEren 29. Biltzarrean izena emateko epea. Animatuko zara, ezta?

Noiz: martxoaren 22 eta 23an

Non: Gasteizen, Europa Jauregian

Gaia: Osasungintza berria? Bere jardunetik ikasten duen osasun-sistema

Izena emateko, sakatu hemen.

Egitarau osoa, hemen.

Aurtengo gaia Osasun Sisteman dauden punta-puntako berrikuntzei lotuta dago. Guztiz lerrokatuta dago gizarteak gero eta ozenkiago eskatzen duenarekin: osasun-sistema eraginkorra. Horretarako, azken hamarkadan oso tresna indartsu bat sortu da: osasun-jardueraren digitalizazioa, hain zuzen ere. Baina tresna hau ez dakigu, oraingoz, aprobetxatzen bere ahalmen guztiarekin.

Horren harira, biltzarrak hiru bloke izango ditu:

1. mahai-ingurua. Ezagutza sortzen: frogetan oinarritutako praktikatik, praktikak sortutako frogetara. Zer ahalegin egiten ari den informazio hori ezagutza bihurtzeko, eta ezagutza erabakien puntuetara itzultzeko: kontsultak, ospitaleak, kudeatzaileen bulegoak.

2. mahai-ingurua. Praktikaren egokitasuna. Gehien errepikatzen diren akatsak, pazienteei kaltea eragin ahal dietenak: gaindiagnosia, adibidez; interbentzioen preskripzio ez egokiak; profesional edota zentroen artean ikusten den aldakortasuna...

3. mahai-ingurua. Adituen arteko harremanak. Gaixotasunen definizioa, nola ikusten duten pazienteek–gizarteak eskaintzen diegun asistentzia...

Horrez gain, ohi bezala, tailerra egongo da, baita guztion parte-hartzea kontuan hartzeko ahozko komunikazio eta poster saioa ere .

Badirudi lehengo aldiz jorratuko dela Euskal Herrian abangoardiako gai hau biltzar batean, euskaraz, erdaraz baino lehenago, beraz... ez izan zalantzarik!