Berriatik etorri zitzaigun Itziar Diez de Ultzurrunen iritzi-artikulua otsaileko mediku-grebari buruz. Maiz, eztabaidetan aipatzen ez diren datuek okerreko ondorioetara eta analisi erabat kamutsetara garamatzatela azaldu du. Benetan al dago mediku gutxi?

Datuak berrantolatu nahian, handik eta hemendik galdetzen eta irakurtzen hasi nintzen, baita gogoratzen ere eztabaidan sarri agertzen ez zen beste datu funtsezko bat: ezagutzen ditudan mediku batzuek, XX. mendeko 80ko hamarkadako labealdi oparo horietan sendagile bihurtu zirenek, urtetan nozitu dituzten kontratazio ziztrinak. Hots, medikuak soberan zeudela aprobetxaturik, eskaintzaren eta eskaeraren legearen arabera kudeatzen hasi zirela kontratazioak arlo publikoan, ordukako kontratu miserableak eskaintzeraino.