Osagaiz Osasun Zientzien aldizkariaren zenbaki berria argitaratu berri dugu UEUrekin elkarlanean. Biltzarrean landutako artikulu zientifikoak daude bertan bilduta, ohi bezala ale berezi bat eskaini baitiogu urteroko topaketa hauei.

Osagaiz aurrera doa, duela bi urte hasi ginenetik zortzigarren zenbakia dugu hau, ale bereziak zein arruntak kontuan izanda.

Oraingoan gaia osasun sistema eta profesionalon praktika hobetzeko bidea izan da: datu-baseetako informazio erraldoia ezagutza bihurtzea, depreskripzioa, gizartearen eta adituen arteko harremana, praktikaren aldakortasuna...

Beti bezala, eskuragarri daukagu aldizkaria formatu digitalean, kontsultatu nahi izanez gero, osorik, nahiz artikuluz artikulu.