EHUk eta UEUk berezko titulu bat jarri dute martxan osasun-arretan hizkuntzak duen tokiaz jabetzeko eta kalitatezko arreta bermatuko duten tresnak eskuratu ahal izateko. "Hizkuntzen kudeaketa osasun arretan: euskara komunikazio klinikoan" du izenburu. Informazio gehiagorako, sakatu hemen.

Helburuak

Graduondoko honen helburua, hauxe litzateke: osasun arloko profesionalak, ebidentzian oinarrituriko gaitasunak erdietsiz, osasun-arretan hizkuntzek duten garrantziaz jabetzea euren ibilbidean jarduera egokiak bermatzeko.

Arretaren normalizazioan aurrera egiteko gaiaren inguruan sustrai sendoak ezartzeko ezagutza zabaldu eta partekatu nahi da

Nori zuzendua

• Osasun-zerbitzuei hertsiki lotutako profesionalak: mediku, erizain, farmazialari, fisioterapeuta, psikologoak....

• Osasun-arloan lan egiten duten beste esparru batzuetako profesionalak: zerbitzuburuak, teknikariak, administrariak... .

• Gai honen inguruan sakondu nahi duten graduatu berriak, osasun arlokoak, zein hizkuntza edo soziologiaren arlokoak.