UEUko Ikastaroak martxan daude! Aukera mamitsuak eskaini dituzte aurten ere, begiratu bat eman nahi?

-Hemen duzu ikastaro eta jardunaldi guztien zerrenda.

-Eta BARRE piska bat egin nahi baduzu, ikusi idazkaritzako kideen artean egin duten promozio bideoa. Zabaldu!

Aste honetan, adibidez, Komunikazio Ez Bortitzari buruzko ikastaroa dugu, baita familia-terapiari buruzko behaketa teoriko-praktikoari buruzkoa ere, uztailean: geure eguneroko osasun-jardunean interesgarri suerta daitezke biak ala biak.

Euskara arloari buruz ere hainbat ikastaro prestatu dute, esate baterako Euskara Gaitasuna lantzeko hau, eta euskal komunikabideen erronkez aritzeko beste hau. Psikolinguistikaren ikuspegitik "Bi hizkuntza garun bakarrean: Euskal psikohizkuntzalaritzaren ekarpenak eta erronkak" izenekora joan ahalko gara.

Hezkuntzari dagokionez, berriz, azalpenak hobetzeko hainbat metodologia aurkeztuko dizkigute. Historia eta Antropologian sakondu nahi duzula? "W. von Humboldt gurean: hizkuntza, kultura, herria" izeneko ikastaroan aditu horren ekarpena ezagutu ahalko dugu.