Gasteizko ospitaleko mediku egoiliar Adrian Zelaiari elkarrizketa egin zioten Anboto aldizkarian. Bertan azaldu zuenez, paziente euskalduna gaztelaniaz artatzea praxi okerra egitea da, bere osasuna kaltetzea.

Aintzat elkarteko kide da Zelaia, besteak beste EHUko medikuntzako ikasle-asanbladatik eratorri den elkartekoa. Koordinazio espazio moduan deskribatu du Aintzat:

Euskaraz lan egiteko ezintasunak aipatu dituzu. Baina, zein da egoera? Zein pauso eman daiteke hori aldatzen hasteko?
Ahozko komunikazioa kasu batzuetan euskaraz izan daiteke, baina idatzizkoa eta botere guneetakoa gaztelaniaz da guztiz. Osakidetzan bezala, Osasunbidean eta iparraldeko sisteman ere, defektuz erdaraz sortzen dira programa guztiak. Langilea euskalduna izan arren, gaztelaniaz lan egingo duela egintzat jotzen da. Lanean gabiltza pazienteen txosten klinikoak, paziente euskaldunekiko komunikazioa, gure formazioa eta abar euskaraz izateko. Hori guztia koordinatu eta norabide estrategiko bat eman gura diogu.

[Jarraitzen du...]