Aintzat Osasungintza Euskalduntzeko mugimenduko kide Adrian Zelaiak artikulu bat sinatu berri du Berrian. Euskalgintzaren egoerari buruzko kritika interesgarria ekarri digu: euskalgintzak azken hamarkadetan egindako lanaren fruituak agortu egin direla dio, eta botere harremanetan jarri du fokua. Bere ustez, euskalgintzak egun duen botereguneekiko mendekotasunak ez dio euskarari dagokion lekua hartzen uzten. Horren aurrean, baina, baikor ageri da:  jada kalean, jendartean eta herri mugimenduetan txertatuta dagoen Euskalgintza Berriak ekarriko ditu errotiko aldaketak.

Existitzen da euskalgintza berri hori. Kalean dago, jendartean, herri mugimenduan txertatua. Administrazioarekiko dependentziarik ez duena, botereguneak helburu dituena, kolektiboaren borondatean oinarritua, eta euskalgintzak aurrera egiteko beharrezko duen talka eredua eraikitzeko prest dagoena. Euskararen aurka dauden horiek urduri jarri ezean, nekez egingo du aurrera euskalgintzak, zehazki haiek urduri jartzeak aurrerapausoak emateko aukera adierazten duelako.

Betor, beraz, plazara, euskalgintza berri hori, eta bota dezala zerri askara euskalgintza zahar herdoildua, euskararen hobe beharrez.

[Jarraitzen du...]