Bizkaiko hitzetik datorkigu albistea. Aurten lehen aldiz eman zaie Leioako kanpuseko medikuntza ikasle euskaldunei praktikak gradua egiten duten hizkuntzan egiteko aukera; hau da, euskaraz. EHU eta Galdakao-Usansoloko ospitalearen arteko akordio bati esker ari dira seigarren mailako ikasle batzuk euskaraz praktiketan, bai zerbitzu mediko-kirurgikoetan, baita lehen mailako arretan ere. Nahiz eta distantzia eta bestelako faktoreengatik ahalegin gehigarria izan, zortzi ikaslek erabaki hori hartu dute. Pozik ageri dira aukerarekin, baina urrats gehiago behar dela diote.

Oraingoz, hilabete baino ez daramate ospitalean lanean. Egitasmoa “ontzat” jotzen duen arren, Gandariasbeitiak argi du oraindik ere badela lan asko egiteko. “Harrera oso ona izan da; gu pozik gaude, baina oraindik goiz da balorazioak egiteko eta euskara soilean ikasteko xedea betetzen den esateko”.

[Jarraitzen du...]