Euskaraldiaren bigarren edizioaren antolakuntza badoa aurrera. Herri-batzordeak irailetik dabiltza izena ematen, eta azken asteotan hainbat aurkezpen-ekitaldi sektorial egin dute antolatzaileek entitateei begira.

Urriaren 28an, Gasteizen, erakunde publikoei eta hirugarren sektoreko enpresei begirakoa egin zen. Azaroaren 4an, Donostian, hedabide, sindikatu eta hezkuntza sektoreko entitateei eskaini zieten aurkezpen-ekitaldia. Azkenik, biharamunean, azaroaren 5ean, gizarte mugimendu, elkarte eta lehen zein bigarren sektoreko enpresen txanda izan zen.

Orain, azaroaren 20rako, aurkezpen-ekitaldi orokorra antolatu dute herri-batzorde eta entitateentzat, ariketaren bigarren saioa hasteko urtebete faltako den egunerako, hain zuzen. San Telmo museoan izango da, 19:00etan.

Izena eman