Berria egunkarian, Urtzi Urkizuk interesgarri gerta dakigukeen eta euskal kultura bultzatu nahi duen irratiari buruz dihardu. Jada martxan dagoen irrati saio bati buruz ari da. EITBk aditzera eman duenez EITB Euskal Kantak irrati sintonia sortu dute. Hogeita lau orduz euskal musika jarriko duen irrati sintonia berria da eta askotariko estiloak tartekatuko dira. Momentuz webgunean bakarrik entzun daiteke eta ez du FM sintoniarik izango. Haien hitzetan "euskal musikaren entziklopedia moduko bat" sortu nahi dute.