Argian irakurri ahal izan dugunez, Aitor Montes mediku eta OEEkideak baraualdia hasi du gaur, bizi dugun alarma-egoeran euskara are azpiratuago ari direlako uzten administrazioak, horrek dakartzan hizkuntza eskubideen urraketekin.

"Zera eskatu zaie agintariei, mesedez, otoi, arren, berandu izan baino lehen: eska diezaietela osasun-langileei, zerbitzu-buruei, zuzendariei, ahal den heinean euskaldunei zerbitzuak euskaraz eskain diezaizkietela. Hori baino ez. Gaixorik eta bakarrik daudenak gizatasunez arta ditzatela. Baina eskaerari muzin egin diote eta gutun bat bidali diote eskaera luzatu duenari, ez mezua jaso behar zutenei [Jarraitzen du...]."