"Osasuna eta hizkuntza: bidegurutzean" ikastarora joateko aukera izango dugu urriaren 22 eta 23an, Bilboko Bizkaia aretoan. Guztiz beharrezkoa da gure ingurune elebidunean hizkuntza era egokian kudeatzen dakiten profesionalek egitea lan osasun-sisteman, eta hori lortzeko ezinbestekoa dugu horrelako trebakuntzak jasotzeko aukera izatea.

Helburuak:

-Osasun-jarduera bere testuinguruan kokatzea, gaur egun ardatz dituen paradigmak aztertuz
-Osasun-arreta euskaraz bermatzeak eskatzen duen aldaketa: taxuzko ezarpen-prozesu sendo eta eraginkorraren berri izatea
-Euskararen erabilera normalizatzeko arretaren normalizazioak duen papera ulertzea
-Kanadako eremu elebidunetako eredua ezagutzea, eta bertako profesionalek antzematen dituzten oztopoak eta aukerak aurkeztea
-Euskal osasun-sistemako etorkizuneko plangintzetarako proposamen berriak bideratzea

2020ko urtarriletik ekainera bitartean lehen aldiz eskaini den UPV/EHUko berezko aditu tituluko (Hizkuntzen Kudeaketa Osasun Arretan: Euskara Komunikazio Klinikoan, UEUrekin kolaborazioan) ikasleei, aukera emango zaie titulu amaierako lanak aurkezteko eta antolatuko diren mahai-inguruetan parte hartzeko.

200619-osasuna eta hizkuntza.pdf