Osasungoa Euskalduntzeko Erakundearen lehendakari Karlos Ibargurenek "Geroa, zergatik euskaratik?" galderari erantzun dio berriki, Kontseiluaren proiektuarekin bat eginez.

"Hala saldu diguten arren, ez da osasun-krisi batek ezinbestean sortutako egoera bat. Plangintza faltak, borondate politiko faltak eragindako egoera da hau. Irakurketa autokritikoagoa ere egin dezakegu: asma dezagun geroa geuretik, gehiago eska dezagun euskeraz [Jarraitzen du...]".

Kontseiluak, bere aldetik, Hego Euskal Herriko gobernuei hizkuntza politikan urgentziazko neurriak hartzea eskatuko die, gaur bertan ARGIAn irakurri dugunez.

"Krisia aukera moduan baliatzea nahi du Kontseiluak, eta demokratikoagoa, kohesionatuagoa, berdinzalegoa eta eskubideen bermean oinarritutako etorkizunaren alde egin nahi du apustua: “Jakin badakigulako oinarrizko eskubide bat bazterrean uzten den aldiro, beste guztiak ere ahultzen direla”. Gizarte eragileei dei egin die ibilbide honetan bidelagun izan daitezen, “elkar hartuz eta elkar zainduz soilik lortuko baitugu hizkuntz politika berriak eta berdinzaleagoak sortzea”