Hona hemen Osatuberri aldizkariak irailean argitaratutako albisteak. Bertan aurkituko dituzue Cristina Perez nutrizionistaren gomendioak osoko zerealen kontsumoari buruz, era berean, Leire Erkoreka Psikiatria Zerbitzuko Akutuen atalburuaren eskutik, artikulu honetan pazienteekin lehen hizkuntza erabiltzearen ondorio psikologikoak zein diren ezagutu dezakezue:

Osasun mentalaren arloan estua al da osasunaren eta hizkuntzaren artean dagoen lotura?

"Osasun mentaleko psikiatriako sintomak hitzen bitartez adierazten dira; ez dago proba fisikorik horiek adierazteko eta identifikatzeko. Hizkuntza erabiltzen dugu bai diagnostikoa egiteko eta bai jarraipena ebaluatzeko ere. Ez da asko aztertu izan komunikazio-hizkuntzak osasun psikologikoan eta psikiatrikoan duen eragina, baina, bibliografiari eta dauden azterketa urriei erreparatuta, badirudi sintoma psikotikoen esplorazioa lehen hizkuntzan egiten denean sintoma larriagoak aurkitzen direla."

Albiste horiez gain, Ospitaleratu aurreko Pediatriako Larrialdietarako Protokoloaren eguneratzearen inguruan hainbat zertzelada eskaini dizkigu artikulu interesgarri honek. Azkenik, hizkuntza inklusibo eta irudi ez-sexisten sentsibilizazio kanpaina baten berri ematen digu artikulu honek, Osakidetzak hartutako Emakume eta gizonen berdintasunaren konpromisoaren aurrerapausu gisa.