Berriak
Segurtasuna bermatuta, Biltzarra aurrez aurre: eman izena!!!
2020-10-14
Azaroaren 13 eta 14an Osasungoa Euskalduntzeko Erakundearen 30. Osasun Biltzarra izango da!!!!!
Aurtengo gaiaren ardatza denon artean prebentzioa nola eraikitzen den izango da: Prebentzioa Auzolanean. Osasungintzan nahiz beste arlo batzuetan horrek zer esan nahi duen hobeto ulertzeko elkartuko gara, izan ere, elkarlana ezinbestekoa da. Guztion artean gai hori ardatz hartuta egoera anitzak ezagutuko ditugu, auzolana osasungintzara ekartzeko, bai teorian, bai praktikan. Horren erakusgai lehen aldiz Gune Irekia (Open Space) modalitatea aukeratu dugula parte-hartzea areagotzeko, beti bezala guztion ahotsa ahozko komunikazioetan eta posterretan jasotzeaz gain.
Denok dakigu urte berezia dela, eta ez bakarrik tokatu zaigun egoera dela eta. Izan ere, gure Erakundeak 30 urte bete ditu, eta ezin genuen historikoa den Osasun Biltzarra bertan behera utzi!
Hainbat alderdi berri txertatu ditugu aurten, horien artean, noski, beharrezko segurtasun-neurriak bermatzea.
- Gela handia erreserbatu da Bizkaia Aretoan, eta aforoaren herena jarri da gehienezko edukiera gisa, segurtasun-distantzia bermatzeko
- Bazkaria eta afaria bertan behera utzi ditugu
- Hizlari bakoitzak mikrofono bana izango du ez partekatzeko, eta galderak egiteko beste bat egongo da.
- Beharrezko higiene-neurriak hartuko dira.
Triptikoa atxikita.
Izena emateko: http://www.oeegunea.eus/biltzarrak/izena_eman
Informazio gehiago: http://www.oeegunea.eus/biltzarrak/egitaraua
Utzi zure iruzkina
Azken Berriak
Memoria espazioen autokontrukzioa Gipuzkoan
EHUk doako euskarazko ikastaroak eskainiko dizkie ikasle, ikertzaile eta irakasleei
