Albiste berriak daude Osatuberri aldizkarian, urriko bigarren hamabostaldiari dagozkionak. Besteak beste, Gasteizko Erizaintza Eskolak bizi izandakoak kontatu ditu Encarnacion Betolaza Lopez de Gamiz zentroko zuzendariak, eta, halaber, ekainaren 10ean abiatutako Betirako zerbitzuari buruz hitz egin digute Maite Zabala eta Blanca Angulok, Zerbitzuko psikologoak eta kooperatibako zuzendaritzako kideak.

«Egun batetik bestera». Halaxe egokitu behar izan zen Gasteizko Erizaintzako Unibertsitate Eskola egoera berrira, Encarnacion Betolaza Lopez de Gamiz zentroko zuzendariak azaldu duenez. Hilabete hauek «oso gogorrak» izan direla nabarmendu du, ikasleek nahiz zentroko langileek oso ahalegin handia egin behar izan dutela; baina dena ez da iluna, haren aburuz, eta uste du argirik ere badela horren guztiaren atzean: aurrerantzean ere oso baliagarriak izango dira erabilitako metodologia berriak eta egindako egokitzapenak. [Jarraitzen du...]