Eguneraketa: omenaldiaren bideoa hemen ikus daiteke: https://www.youtube.com/watch?v=wMIJFW34faw.

Mikel Asier Garro Beristain gogoan.

2021eko maiatzaren 8an hil zen Mikel Asier Garro Beristain irakaslea, 54 urte zituela. 1987. urtean hasi zuen irakasle-ikertzaile ibilbidea Euskal Herriko Unibertsitateko Medikuntza eta Erizaintza Fakultatean. Irakaskuntza- eta ikerkuntza-lanak bikain egiteaz gain, hainbat aldiz aritu izan zen unibertsitateko kudeaketa-postuetan, Erizaintza II Saileko zuzendari gisa nahiz fakultateko dekanoorde gisa.

Halaber, aipagarria da euskararen alde beti erakutsi izan zuen konpromisoa: lan handia egin zuen erizaintzako ikasketak euskaraz eskaintzeko eta euskarazko hainbat argitalpen egin zituen bai giza fisiologiaren, bai farmakologiaren alorretan. OEEkidea genuen Asier.

Eskerrik asko zure lan eta ekarpen handiengatik.