UEMAk, Udalerri Euskaldunen Mankomunitateak, bi urterik behin egiten duen behaketa egin du aurten, bere barne dauden herrietan osasun zerbitzuetako hizkuntza eskubideei buruzko jarraipena egiteko. 90 dira UEMA barruan dauden herriak, eta horietako 56tan osasun-zentroak daude, guztira 559 lanpostu gehitzen dituztenak. Lanpostu horien %98an zehaztuta dago derrigorrezko hizkuntza eskakizuna zein den, baina langileen %27ak ez du betetzen. Garikoitz Goikoetxeak, behaketa egitearen arduradunak, nahiz eta azken hamarkadetan pausu handiak eman diren, uste du oraindik ere herritarren eskubideak egunero urratzen ari direla.

Gai honen inguruan gehiago sakontzeko eta estatistika gehiago kontsultatzeko, albiste osoa irakur daiteke.