Nafarroako Cortes udalerrian zonifikazioaren aurkako eta euskaren aldeko adierazpena aurkeztu dute azaroaren 13an. Hordago! da ekimenaren izena eta Nafarroako erdialdeko eta Erriberako talde batek eraman du aurrera, hauen helburua Erriberak eta Errialdeak jasaten duen bereizkeriarekin amaitzea da. Izan ere, talde honetako partaideek aldarrikatzen duten moduan "Euskara Nafarroako berezko hizkuntza da". Adierazpenean argi utzi dute euren xedea Nafarroako hizkuntza zonifikazioa bertan behera uztea dela.

Adierazpena egiteko orduan Erriberako hainbat herritarren bizipenak kontuan hartu dituzte, jasandako errepresioaz eta kalteaz mintza daitezen. Modu honetan, hauek bizitako kalteari konponbide bat eman nahi diote, nafartarren hizkuntza eskubideak errespetatuz. Adierazpen honen egileek adierazi dute ez direla beste ekimen edota mugimendu baten parte, euren adierazpen honekin beste dinamika bati ekin nahi diotelako.

Adierazpena Kamila Guarinek (Peraltako bizilagunak) eta Julian Vicente Garciak (Corteseko bizilagunak) irakurri dute, diotenez Nafarroan euskara dakiten pertsonen kopurua txikia izateak ez du inondik inora ere zilegitasunik ematen euren eskubideak urratzeko. Nafarroako herritarren nortasuna ulertzeko maila berean egon behar dira bi hizkuntzak, euskara eta gaztelania, hauetako bat ez bada kontuan hartzen ezinezkoa da Nafarroa ulertzea. Informazio gehiago hemen.